قرقيعـانَــآ

في يوم الأثنين .. بعد صلآة العشـاء والترآويـــح

ابتدت حفلــة القرقيعآن لدينآ في غرفة الاستقبال المزينة بصور الأطفـال الجميلة وهم بزي القرقيعآن

الصبيآن دشآديش و غتر ~

والبنآت دراريع و بخانق ~

و بدأ الأحتفآل بالقرقيعآن مع الأغاني الحلوة القديمة

~ قرقيعان وقرقيعآن بين قصير و رميضان ~

~ عادت عليكم صيام كل سنة وكل عام ~

~ يا الله تخلي CaRolliNa يا الله تخليها لأمها ~

~عسا البقعة ما تخمهآ ولا توازي على أمها ~

و الكل يآي و معآه قرقيعآنـــه

يلآ قولو سلم كآرولينا ههه

و تزآمن موعد حفلــة القرقيعآن مع عيد ميلآد ولد خالتي الصغيـر

و فاجئته امــه بكيكه و أهو ما يدري شسالفة 

ويلآآآآآآآآآآآآآآآآ الكل استانس

:) 

احتفلـوا النآس وكل من وزع قرقيعآنه و رقصوا واستانسـوا

والي قاعد ينط بالنطاطية

والي قآعد عند البوفيه

والي عند رآعيــة الصآج

~ كـــآن يوم عجييييييييييييييييييييييييييييييب بمعنى الكلمة  ~

My first experience in driving !! ;D

يوم الأحـــد

15/8/2010

7:30 باليـل

كنـآ متجهين أنــا مع أبـوي الـى المستوصف ..

 ( عيني فيهآ بلى رآيحة أشوف لها دوا .. بيني وبينكم دآش فيهآ شآمبو ومحمره .. ههه ) 

بالطريـــج :

أبوي : شرآيج بالردة تسوقين ؟؟

Carollina : هآآآ لا مستحيل !!

أبوي : أي والله جربي مافيهآ شي .. بس بالأول نخلص من الطبيب .

Carollina : لا أخـاف أدعم الرصيف .

أبوي : طريجنآ فاضي ميخآلف .

Carollina :  خلآص تم .

صفط أبوي السيآره جدآم المستوصف بالظبط.. نزلنـآ خذينآ رقـم ومشينآعند الطبيبة وخلصنآ ورحنآ خذينآ الدوا وطلعنآ .

( طبعآ ركبت بكشن السآيق وابوي بالكشن الي يمي )

بالسيآرة :

( مثلهآ بس لون غير .. مالقيت صورة بنفس لون سيآرتنآ لووول )

Carollina : بسم الله توكلنا على الله .. يبووووي بسوق خخخ ونآســه جكجكجكجكجك

أبوي : الي بالنص بالظبط بريك .. والي يمه بانزين

Carollina : أوكي .. أيهي الي تحرك السيآرة !! لوول

أبوي : لما أقول يلآ .. دوسي على البانزين .. وخففي عند اللفة

Carollina : انزين .

وحركت البطلـــة من عند المستوصف لي بوابة الطلعة  واهي متشققة من الونآســـة هه

( وصلت عند المطبـــة جان أوقف جدآمهـآ )

Carollina : شسوي الحين ؟؟

أبوي : يلا دوسي شوي وخففــي .

طفت المطبة الأولـى بنجآح ..

* الحين عند المطبة الثآنية

أبوي : أيبآآآآآه شغل عدل .

Carollina : أحم احم .. ( عدت الثآنيـة بنجآح )

* و لفيت الدوآر و كملت

 ( طبعآ نص الوقت أبوي ماسك السكآن معآي )

أبوي : بس بس سفطي على اليمين .

Carollina : لا ليش بكمل لي البيت .

أبوي : لا خلآص بس

* تبآدلنآ الأمـاكــن

Carollina : يبه شلون سيآقتـي

أبوي : زينــة هههه

Carollina : أي أي اخذني على قد عقلي .

أبوي : ههههه

Carollina : أدري ما اعرف أسوق أصلآ انا متخذه قرار اني ما أسوق

أبوي : لا والله

Carollina : أي .. أبي سآيق مخصوص حقي 

ووصلنآ البيت

The End

يـا حلوهـا من أيـآم ;*

أحب هالأجوآء وآيـــد *

أجد نفسي في هذه الأيـآم مابين قرآءة القرآن الكريم أملا في ختمه ..

و الذهاب للمسجد لأداء صلآة العشـآء والترآويــح ..

وبعدهـا زيآرة الأهــل والأصدقآء والمبآركـــة بالشـهر والمسلسلآت والبرآمج واللوية ..

أحس بسعآدة و رآحــة مو طبيعيــة .. الله يديمها علينآ كلنآ قولو آميــن .. ;*

الا تعـالو !!

شلـــونكم ويه زوآرة خميــس؟؟ .. بصرآحــة هالمسلسل حده عجيب !!

انا أعطيـــه المركـز الأول بين هالمسلسلات

و المركز الثاني أميمة في دار الأيتام

( هالمسلسلين بس الي متابعتهم هالسنــة )

امــا البآجـي .. كلهم حاطه عليهم X

ولا أنتـو شرآيكــم ؟؟ !!

رمضان كريم .. :)

بريحة العطر والمسك والعود

رمضان علينا وعليكم يعود

شهر الخير والكرم والجود

تهاني لكم من قلب ودود

كــل عآم وأنتم بخيــر

ومبآرك عليــكم الشهـر

وتقبل الله طآعتكـــم

فوآح !! .. شسآلفه هالبرنآمج ؟؟

في يوم من الأيام

كنت " أفرفر " بهالقنوآت من زود الملل

ولا

وقفت عند برنآمج في قنآة العدآلــــة عبآرة عن " قعدة حريم "

4 مذيعآت يقدمن هذا البرنامج الا وهن :

1 : عذاري قربآن

2 : مي البلوشي 

3 : عائشة البدر 

4 : الممثلة أبرار 

+

(هذي أول مرة أشوف البرنآمج فيهآ للتوضيح بس)

طبعآ انصدمت بل انصعقت ان المذيعآت ما يعرفون يديرون الحوآر

مآكو لباقة أصلا ..

من خلآل متابعتي اكتشفت

ان المذيعآت وحده منهم كلآمها ماله نهاية أو خاتمة

والثانية كله تقاطع البآجي ومهي قادرة تعبر عن الي في بالهآ

أو معنى آخر مهي عارفة شلون توصل فكرتهآ حق زميلاتها والمشآهدين عمومآ

!!

مآدري أضحك ولا أبجي

..

خل أسرد لكم موقف صآر بالحلقة يدل على ان احدى المذيعآت " ميييح "

كآن موضوع الحلقة بما معناه عن

" غلآء مهور العرآيس " >> اهني المعدين على هالموضوع

المهم

فكآنت تبي توضح للمشآهدين عن بسآطة المهور في الأزمنة الماضية

وتحديدا في عصر الرسول صلى الله عليه وسلم ..

وقالت : فآطمة بنت الرسول (ص) على بن أبي طالب " بآع درعه وعطآها فلوسه كمهر لها  "

يآآآآآآآآآآآآآآآلهووووووووووووووووووووووي

لا تعليق طبعآ

هذا دليل ان المذيعة وآيد مثقفة

خلوني سآكتة بسس ..

خخخخ

في يوم الاثنين الماضي

" ذكرى الغزو "

فكآن موضوع حلقتهم عن الغزو و مأسآه الكويتين وشصآر فيهم

والأتصالات انهلت عليهم من كل صوب والحاله حاله

ولا وحده من المذيعآت ( كآنت سآكتة من بداية الحلقة ) قآلت :

أكيد  ما رآح ننسى النآس الأشراف الي وقفوا معآنا في محنتنا وسآعدونآ و آزرونآ .. >> لحد هني أوكي .. نكمل:

(سمعو الصاعقة)

ولا رآح ننسى شيخنآ "أمير القلوب" الله يعطيه العآفية على جهوده

 الشيخ جآبر الأحمد الجآبر الصبآح الله يرحمه

وآآآآآآآآآآآآآآآآآآآآآآآآآآي بنتف شعري

شلون الله يرحمه والله يعطيه العآفيه .. فهموني يا عآلم

أكو أحد متوفي نقوله يعطيك العآفية .. أي عآفية هذي ..

!!

انا بعد الحلقة هذي قررت اني ما أشوف البرنآمج

لأن جد نفسيتي تعبت

هههههه

Home alone >>

ضيقــــــــــــــــــــة خلق

غلللللللقــــــــــــــــه

وحدددددددددددددة

**

ممكن ألخص كل هذا بقول :

// هوم ألـــو}ن .. // 

هذا حآل CaRollina HeRrera اليوم ..

قآعده في البيت بروحهآ "لا حنيس ولا ونيس" على قولتهم ..

:(

فكرت بمآ سوف أفعله  لتضييع وقتي

 لحين وصول الذين قد " سحبوا علي " وذهبوا الى " الشآليه " >> حآقدة البنيه ههه

والآخرون الذين تركوني وذهبوا للأستمتاع بهذا المسآء الجميل ..

عآد الله أعلم .. في البحر , أحد المجمعآت التجارية , مطعم ..

وآنا أيتهآ المسكينة

 .. وييييح قلبي .. >> تعبآنه على هالكلمة ..

مجآبلة " طوف البيت .. أنطر أحد يعطف علي ويطلعني!! ..

 عمك أصمخ ..

أنكسر خآطري على نفسي ..  

//

لــكن حكمت محكمة " ضيقة الخلق " على CaRollina بأن تفتح ذاك الابتوب المحذوف بالغرفة

وتبدأ تسلي نفسهآ بكتآبة بوست لطيف خفيف طينة .. تسلي به نفسهآ ..

مآلي غير مدونتي مملكتي  الحبيبة ..

أفضفض لهآ ..

ـــــــــــــــــــــــــــــــــــــــــــــــــــــــــــــــــــ

( دكتورة جروح الغرآم )

أه يا دكتورة جروح الغرآم عالجي قلبن جروحة من وله .. له 3 شهور ماذاق المنآم

(السهر) سبب لعينه مشكله >> أهدآء خآص لمدونتي الغآلية ..

لا صج صج هذي الأغنية رووووعـــــــــــــــه بمعنى الكلمة

وطبعآ أهيه من أبداعات  الشيخ حمدآن بن محمد بن رآشد آل مكتوم الملقب ب ( فزاع )

وألحان فايز السعيد .. غنآء : رآشد الماجد ..

الأغنية حدهآ شي ..

سمعوهآ نصيحة ..

:)

وآيد قرقت مو ..

السموحة على الإطالة ..

:)

تحيآتي :

CaRollina HeRrera

افتتاحيـــــــــــة ~

بسم الله الرحمن الرحيم

السلام عليكم ورحمة الله وبركاته

~

حيـآكـــــــــم الله يا الغآلييــــــن

:-)

أفتتح اليوم صفحة التدوين الخاصة بي لتكون مملكتي ومتنفسي في كتابة وتدوين كل ما يجول في ذهني وخاطرتي من أحاديث ومواقف أصادفها يوميا ومشاركة شخصكم الكريم أياها وكذلك مشاركتكم الحوارات الراقية للأستفادة من آرائكم والإفادة أيضآ .

:-)

 بعدما اتخذت قرار إنشاء هذة المدونة أحببت أن أبدأ أول مواضيعها بتقديم عظيم الشكر والإمتنان للسادة المدونين والمدونات على كل ما قدموه وما زالو يقدمونه من مواضيع مميزة وأحاديث مشوقة التي جذبتني وشدت انتباهي أمانةَ وكانت أحدى الأسباب التي شجعتني بأن أكون اليوم في هذا الموقع الإلكتروني الذي بلا شك كنتم أيها الإخوة سبباً في انتشاره وتميزه عن مواقع التدوين الأخرى , وكلي أمل بأن أظفر بقبولكم لي كفرد في أسرتكم التدوينية

:-)

 أخيرَ وليس آخراً أسأل الله تعالي أن يوفقني وإياكم في تدوين كل ما هو راقٍ وجميل وأتمنى خلال الفترة المقبلة أن تنال مدونتي رضاكم بكل ما فيهآ من موآضيع .

:-)

والحيـــن يلآ خلونا نقص شريط الأفتتاح :P

أرق التحايا تقبلوها مني :

CaRolliNa HeRrera